رسالة للفّنان الجميل رامي جمال : قد يكون إبتلاء ربنا لك بمرض البهاء و أنت من المشاهير حتى تكون من أكبر الداعمين للمصابين بهذا المرض

 رســـالة للفّنان الجميل رامي جمال : قد يكون إبتلاء ربنا لك بمرض البُهاء و أنت من المشاهير حتى تكون من أكبر الداعمين للمصابين بهذا المرض

كان المطرب رامي جمال قد أعلن إصابته بمرض البهاق، بعد ظهور بقع بيضاء اللون بمناطق بجسده، وذلك خلال حسابه الشخصي على موقع فيس بوك بقوله:

" الحمد لله الذي أحبني فابتلاني وقدرني على الصبر من فترة ظهرت بقع بيضا في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة فرضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقوللي هتتعامل إزاي وأنت فنان و اللي يخاف يسلم عليا واللي يسألني هو ده معدي أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة ولقيت إن عندي حلين يا فعلا شكرا لحد كدة على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو".

• فكرة أمريكية للتّخلص من الذباب نهـــــائياً بإستخدام أكياس النايلون 
• هو إيه اللى عمله أبانوب كيرلس أمام مسجد ... ببورسعيد وأصبح حديث الناس كلها النهاردة ؟

هذا و قد قّدم الكثير من الفنّانين دعمهم له و الدعاء له بالشفاء و عدم الإكترا بالآراء المحبطة و الصبر و منهم على سبيل المثال لا الحصر : 

الفنّانة إليسا و التي طالبته بعدم اعتزال الفن بقولها : 

" العوض بسلامتك و ربنا يخليك لعيلتك و ممنوع تغيب وممنوع يكون البهاق عذر لغيابك و إنت بتقول ابتليت بالبهاق، بس مش سبب لتخاف وتغيب و في ناس ابتلت بالكذب والخيانة والسرقة وما هزت، وجودك أساسي ومتل ما إنت بتقول، أصل الحكاية مش حكاية شكل  حكاية روح ".

و دعمه أيضاً الفنان الموهوب حمدي المرغني قائلاً :

" ربنا يشفيك يا رامي، ده مش حاجه أصلاً، ده الصداع أصعب منه يا خويا، الناس كلها بتحبك، وكل ما تشوفني احمد ربنا، واعرف إنك في نعمة ".

بينما دعمته الفنّانة شذى بقولها : 

" أولًا أنت فنان وفنان مهم وأنت قوي ومن معرفتي بيك أنت إنسان قوي اللي يخاف يسلم ميلزمكش، وأنت لامس قلوب ناس كتير بألحانك وبأغانيك، المرض ده ابتلاء من عند ربنا، وأنت قده فكك من الناس اللي مبتقدرش، دول مش مهمين لأن اللي بيقدروا أكتر بكتير و ربنا يكرمك وينجحك أكتر ويخليك لكل الناس اللي بتحبك وأهلك ومراتك، في الناس اللي ملهمش لازمة كلنا عندنا ابتلاءات، بس الناس بتشوف اللي عايزة تشوفوا ومن تجربتي أنا الشخصية في كمية ابتلاء أنا نفسي عشتها تكسر ضهر جمل بقولكً كمل وكلنا في ضهرك إحنا بنقوي بالناس اللي بتحبنا وبتدعمنا والحمد لله على المحن اللي بتعرفنا حبايبنا من أعدائنا.. ربنا يكتبلك الشفا من عندوا هو قادر على كل شيء".